anant aakaash garbh

ek jagah hai – jahaa(n) n Hindi hai n Angrezee – n shabd n akShar. dhvani kaa garbh hai ye. desh, sanskRti, dharm, vichaar ke pahale kaa anant aakaash garbh –

ek jagah hai – jahaa(n) n Hindi hai n Angrezee – n shabd n akShar. dhvani kaa garbh hai ye.

main vahaa(n) se aaee hoo(n). mujhe bhejaa gayaa hai – tumase milane. doot hoo(n) main. mujhe yah aadesh diyaa gayaa hai ki dhvani ke garbh ke viShay men tumhe bataaoo(n).

desh, sanskRti, dharm, vichaar ke pahale kaa anant aakaash garbh – jo kisee grah aur kisee lok ke us paar naheen hai – tumhaare samakSh hai. yah jo tumhaare saamane rakhaa hai, usake aNu men hai| vigyaan ke beej men hai.

jis aangan men tumhaare vichaar nirantar naachate rahate hain, jahaa(n) se vichaar utpann hote hain – vah aangan vah anant aakaash garbh hai. is kamare men jo rikt sthaan hai – dekho – jahaa(n) kuchh naheen hai – vahaa(n) hai vah anant aakaash garbh – yahaa(n) hai| aa jaa rahaa hai – sthir hai. bharaa hai.

is kamare men jo bhee hai – dekho – vah anant hai. har do aNu ke beech anant aakaash. har aNu ke bheetar anant aakaash| jitanaa bhee bheetar jaao, jaane ke lie chaaron or aangan aur phailataa jaaegaa.

tumhaare vakSh men, tumhaare mastiShk men, tumhaaree tvachaa men, anant aakaash. netr men, dRShTi paTal par ubharate har chitr men, anant aakaash. har chitr men vah anant beej, us anant beej se ubharataa har chitr.

oorjaa kaa garbh.

ek baḌee haanDee hai yah – yah sRShTi – jisakaa koee or chhor naheen – isee men sab kuchh umaḌataa ghumaḌataa rahataa hai.

aur isamen main hoo(n). us oorjaa kaa ek roop, ek abhivyakti. pyaaree. magar pyaaree yaa naheen yah sarvathaa asangat hai. bas hoo(n). oorjaa kaa ek utthaan jo oorjaa ke garbh men loT rahaa hai, aur oorjaa ke garbh men Dhal jaaegaa.

teraa man kShubdh hai kyonki vah aseemit honaa chaahataa hai magar bhinn bhinn seemaaon men grast hai. seemaaen jinhen tumane sach maan liyaa hai| aseem kaa ehasaas ho to kuchh kuchh aseem par vishvaas kee raah khulegee.

“aseem” yah koee devataa naheen, koee eeshvar naheen. isakee koee kahaaniyaa(n) naheen hain. yah n achchhaa hai n buraa. bas hai. tum n achchhe ho n bure. bas ho. yah jo ho rahaa hai – n achchhaa ho rahaa hai n buraa ho rahaa hai – bas ho rahaa hai. shreyas, preyas, uchit, anuchit, sahee, ghalat sab mithyaa hai. in shabdon kaa koee arth naheen. dharm, adharm – in shabdon kaa koee arth naheen hai. yah bas seemaa men baandhe rahane ko, seemaa men bandhe rahane ko, seemaa grast vichaar hain.

koee n tumhe prataaḌit kar rahaa hai, n tumhe daND de rahaa hai. jo bhee ho rahaa hai, bas ho rahaa hai. sadaa aakaar badalatee ek prakriyaa. prakriyaa ko dekho, vismay ke saath. yah dekhanaa, vigyaan kaa pratham charaN hai. yah vismay us anant aakaash kee anubhooti degaa. kaN bhar anubhooti jo hameshaa tumhaare man men rahegee.